【自私鄰居】無品鄰居亂放鞋阻塞走廊　屯門街坊斥自私：乾淨自己污糟人哋

本港疫情未止，為己為人，市民都應注意個人及公共衛生。不過，近日有屯門街坊表示，其鄰居經常將鞋放在走廊，阻塞通道之餘，更有播毒風險，令她相當困擾。

事主日前向Facebook專頁「屯門友」投稿，指其鄰居經常將鞋放出門外的走廊，直言「好唔衛生，臭，好多細菌，好肉酸」。她多次向鄰居投訴，但對方置若罔聞，「投訴完轉頭又放返」，甚至有新搬來的住戶「有樣學樣」，同樣將鞋放走廊，更稱「人哋都係咁放啦，我只係放一陣啫，方便自己」。

▲ 事主分享鄰居經常將鞋放在走廊。（圖片來源：Facebook專頁「屯門友」）

最新影片：

事主表示，由於自己在醫院工作，平時一向注意衛生，加上自幼母親的教導，不會將鞋放門外。她又指每戶都有露台，鄰居大可將鞋放於露台，惟「啲人明知係唔啱嘅嘢，見人哋咁做自己又做」。

她直斥鄰居的行為自私、欠缺公德心，「乾淨自己污糟人哋」。她曾多次向管理處投訴，但鄰居「聲大大話返呀邊度都係咁」，她亦不好意思為難管理處職員，導致事件不了了之，「我又唔係要扔走佢一隻鞋嘅人，但唔想容忍咁自私嘅人」。

帖文引起網民回應，不少人留言批評鄰居行為缺德，「咁樣真係好唔衛生，仲要阻住條路」、「太多這種人」、「幫佢清一清，大家鄰居嚟」。有網民又分享遇到同類情況，鄰居將鞋、嬰兒手推車，甚至大型包裹放在走廊，佔據公共空間。

▼點擊圖片放大

+5

+4

不過，亦有網民認為此舉沒有問題，「由人哋放啦，放唔正你門口咪算囉，放正你門口就話嘈姐」、「我啲鄰居都係咁，但我又覺得無咩，可能佢哋放到好整齊啦」、「香港地，其實放鞋係門口都好平常，只要阻唔到人就OK。如果啲鞋放到去人哋門口，咁就唔好啦」。

鞋底藏大量致病細菌

美國亞利桑那大學（University of Arizona）的研究指出，鞋底藏有大量致病細菌，每平方英寸有約數十萬的細菌，實驗中約96%的鞋底被驗出含有來自糞便的大腸桿菌！休士頓大學（University of Houston）的研究亦指出，鞋底的「困難梭狀芽孢桿菌」比馬桶座墊上的高3倍，這種細菌存活能力強，會引起腹瀉問題。

hket App已全面升級，TOPick為大家推出一系列親子、健康、娛樂、港聞及休閒生活資訊及Video。立即下載︰bit.ly/34FTtW9

TOPfit 推出食物資料庫，搜羅本地多間餐廳及逾千款食物營養標籤，令您食得有營又健康。立即查看：bit.ly/2UJP4dx

責任編輯：羅嘉欣